طريقة عمل فته لحمه بالصلصه والتوم فاطمة ابو حاتى

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كان فيه جدل داير ما بين الاسكندرانيه وباقى المحافظات على صلصة الفته ..

وانا حسمت الجدل خلاص ..

فته لحمه بالصلصه :

اولا هنسلق اللحمه اى كان نوعها ونجهز الشوربة ..

هنجهز الارز :

هنحط معلقتين سمنه بلدى ونقلب فيهم الارز المعسول ومتنشف ونضع الشوربه أو المايه ونسيبه يستوى بالطريقة العاديه ..

العيش المحمص :

هنقطعه نقطع صغيره ونحط معلقه سمنه وفص توم ونقلبهم مع العيش ونحطهم فى صينيه وعلى الفرن وتقبله كل شويه ..

صلصه الفته :

هنحط معلقتين سمنه بلدى ومعاهم في توم ونقلب لحد ما يبقى ذهبى نحط معلقتين كبار خل ونقلب وبعدها صلصه طماطم وعصير طماطم ونبهرهم ملح وفلفل وأما تنقل نطفيها ..

هنجمع بقى اللى عملناه ..

هنجيب بوله كبيرة بايركس ونحط اول طبقه عيش وعليهم كبشه شوربه فوق العيش متزودوش عشان ميعجنش حلاوته وهو كرانشى..

هنحط الارز ونغطى الطبق كله بالارز وعليه الصلصه ..

نحمر اللحمه كويس ونحطها على الطبق ..

الف هنا ..